考核办法

ཞིབ་བཤེར་བྱེད་ཐབས།

དཀྱིལ་རྒྱུགས་ཀྱིས་སྡོམ་སྐར་༡༠%ཟིན།

རྒྱུན་སྐར་༼ལས་བྱ་དང་སློབ་ཁྲིད་ལ་ཞུགས་ཚད༽གྱིས་སྡོམ་སྐར་༡༠%ཟིན།

བློར་འཛིན་གྱིས་སྡོམ་སྐར་གྱི་༤༠%ཟིན།

མཇུག་རྒྱུགས་ཀྱིས་སྡོམ་སྐར་གྱི་༤༠%ཟིན།

 

 

考试大纲

རྒྱུགས་གཞིའི་རྩ་གནད།

དང་པོ།  ཁྲིད་སྟོན་བསམ་བློ་དང་གཞི་འཛིན་ས།

༡   ཁྲིད་སྟོན་བསམ་བློ།

འདྲ་མཉམ་དང་ཡང་དག་པའི་སྒོ་ནས་བོད་གསོ་ཆེད་ལས་དངོས་ཚན་སློབ་མའི་གྲུབ་པ་ལུས་ཀྱི་རྒྱུགས་འབྲས་དང་། གནད་དོན་ལ་དབྱེ་ཞིབ་དང་གནད་དོན་ཐག་གཅོད་པའི་ནུས་བ་མངོན་པར་མཚོན་པ་དང་།  སློབ་ཁྲིད་སྤུས་ཀ་མཐོ་རུ་འདེགས་པ།  གྲུབ་པ་ལུས་ཀྱི་སློབ་ཁྲིད་ཕྱོགས་ཡོངས་ནས་བཅོས་བསྒྱུར་བྱེད་ཆེད། ཚད་ལྡན་རྒྱུགས་གཞི་ལག་ལེན་དུ་བསྟར་ནས། སློབ་མར་གྲུབ་པ་ལུས་ཀྱི་བསླབ་འབྲས་རྒྱུགས་ལེན་རྒྱུ་དེའོ།།

༢  གཞི་འཛིན་ས།

༼༡༽ དངོས་ཚན་སློབ་མའི་གྲུབ་པ་ལུས་ཀྱི་སློབ་དེབ།

༼༢༽ གྲུབ་པ་ལུས་ཀྱི་སློབ་ཁྲིད་རྩ་གནད།

གཉིས་པ།  རྒྱུགས་ལེན་ཡུལ།

  བོད་ལུགས་གསོ་རིག་གི་དངོས་ཚན་སློབ་མ།

གསུམ་པ། རྒྱུགས་ལེན་བྱ།

རྒྱུགས་འདིས་བོད་གསོ་ཆེད་ལས་དངོས་ཚན་སློབ་མའི་གྲུབ་པ་ལུས་ཀྱི་རྒྱུགས་འབྲས་ཀྱི་བསླབ་འབྲས་ཀྱི་ཚད་ལེན་པ་ཞིག་ཡིན།

རྒྱུགས་ལེན་བྱ་ལ་དབྱེ་ན།

A．རྩ་ཚིག་བློར་འཛིན་པ།

B．བློར་ངེས་དགོས་པ།

C．བྱང་ཆུབ་དགོས་པ།

D．དབྱེ་ཞིབ་དང་ཕྱོགས་བསྡུས།

གོང་གི་རིམ་པ་བཞི་བོ་དེ་དམའ་རིམ་ནས་རིམ་བཞིན་མཐོ་རིམ་དུ་བརྩི་བ་ཡིན་ལ། རིམ་པ་སོ་སོའི་ཁྱད་ཆོས་ནི།

A．རྩ་ཚིག་བློར་འཛིན་པ།

༼༡༽  བློར་འཛིན་པ་ནི་བོད་ལུགས་གསོ་རིག་སློབ་སྦྱོང་བྱེད་པའི་རྒྱུད་རིམ་གལ་ཆེན་ཞིག་ཡིན་པས་རྩ་ཚིག་ངེས་པར་དུ་བློར་འཛིན་དགོས།

༼༢༽  འགྲེལ་བ་ཁག་ལས་གཙོ་གནད་ཀྱི་སྐོར་གྱི་བློར་འཛིན་དགོས།

B． བློར་ངེས་དགོས་པ།

  གྲུབ་པ་ལུས་ཀྱི་རྩ་བའི་ཤེས་བྱ་ཡང་དག་པའི་ཤེས་རྟོགས་ཡོད་དགོས་པ་མ་ཟད།  རྒྱུད་འགྲེལ་ཁག་ལས་འགྲེལ་སྟངས་མི་འདྲ་བ་རྣམས་བློར་ངེས་དགོས།

C． བྱང་ཆུབ་དགོས་པ།

༼༡༽  སློབ་དེབ་དུ་བཀོད་པའི་འགྲེལ་བ་བྱང་ཆུབ་དགོས་པ།

༼༢༽  རྒྱུད་འགྲེལ་ཁག་ལས་འགྲེལ་སྟངས་མི་འདྲ་བ་རྣམས་བྱང་ཆུབ་དགོས།

D． དབྱེ་ཞིབ་དང་ཕྱོགས་བསྡུས།

༼༡༽   རྒྱུད་འགྲེལ་ཁག་ལས་འགྲེལ་སྟངས་མི་འདྲ་བར་དབྱེ་ཞིབ་དང་ཕྱོགས་བསྡུས་བྱེད་དགོས།

༼༢༽   སློབ་ཚན་འདིའི་གཞུང་ལུགས་ཀྱི་སྤྱི་ཁོག་ལ་བརྟེན་ནས་བོད་ལུགས་གསོ་རིག་རྨང་གཞིའི་གཞུང་ལུགས་བརྟན་པོ་ཆགས་པ་བྱེད་དགོས།

བཞི་བ།  རྒྱུགས་ལེན་ཐབས་དང་རྒྱུགས་གཞིའི་གྲུབ་ཚུལ།

༡  རྒྱུགས་ལེན་ཐབས།  

༼༡༽   བློར་རྒྱུགས་ལེན་པ།

༼༢༽ ཡིག་རྒྱུགས་ཀྱི་ཐབས་སྤྱོད་པ་དང་རྒྱུགས་ཤོག་རེའི་རྒྱུགས་ལེན་ཡུན་དུས་ཚོད་གཉིས་ཡིན།

༢  རྒྱུགས་གཞིའི་གྲུབ་ཚུལ།

རྒྱུགས་གཞི་རེར་སྐར༡༠༠དང་། རྒྱུགས་གཞི་སོ་སོར་རང་སྟོབས་ཀྱི་ནུས་པ་འདོན་རྒྱུགས་དང་རྨང་གཞི་ཤེས་བྱའི་རྒྱུགས་བཅས་གཉིས་རེ་ཡོད། རྨང་གཞི་ཤེས་བྱའི་རྒྱུགས༼འདིར་མིང་འགྲེལ་དང་དྲི་བ་དྲིས་ལན། ཁ་སྐོང་། གདམ་གསེས་སོགས་འདུ༽སློབ་མའི་གྲུབ་པ་ལུས་ཀྱི་རྩ་བའི་ཤེས་བྱ་ཤེས་རྟོགས་བྱུང་ཡོད་ཚད་ཇི་འདྲ་ཡིན་པ་དང་། ཁོང་དུ་ཆུད་ཚད་ཇི་འདྲ་ཡིན་བཅས་ཀྱི་ཚད་ལེན་པའོ།། འདིར་སྐར༧༠ཡོད། རང་སྟོབས་ནུས་འདོན་གྱི་ནུས་པ་འདོན་པའི་རྒྱུགས། ༼འདིར་བརྡར་ཤ་གཅོད་པ་དང་རྩ་ཚིག་དབྱེ་ཞིབ་བྱེད་པ༽འདིར་སློབ་མའི་རྩ་བའི་ཤེས་བྱ་དང་དབྱེ་ཞིབ་དང་ཐག་གཅོད་ནུས་པ། གཏན་ཚིགས་ཀྱི་རིགས་འདེད་ནུས་པ་བཅས་ཕྱོགས་བསྡུས་ཀྱིས་བཀོལ་བའི་ཚད་ལེན་པའོ།། འདིར་སྐར༣༠ཡོད།